انا سماح عبدالله عمري ٣٠ سنه
درست تمريض دبلوم .. اشتغلت بمجالات كثيرة بعيدة عن التمريض لغاية ما صار عندي فرصه واشتغلت بالتمريض لكن لقيت حالي بمكان تاني بعيد كثير عن دراستي انه نفسي يكون عندي مشروع خاص فيني اثبت فيه وجودي ..
اتجهت للتسوق الالكتروني بالبدايه وكانت بدايه موفقه وما كان معروف التسوق الالكتروني وقتها وقدرت احصل ع زبائن ومتابعين وبعدها انتشر التسوق الالكتروني .
وصار بدون اي خبرة من البعض لهيك اتجهت للاشغال اليدويه وقدرت اثبت جدارتي من ٣ سنين لغاية الان صار عندي اكثر من ٤٨ الف زبونه متابعه على الفيس بوك ومتابعين على الانستجرام رسمت الفرحه والابتسامه بمناسباتهم من زواج او مواليد جدد او تخرج او عياد ميلاد او مناسبات للروضات والمدارس والجامعات.
ماذا عن مشروعك ؟
مشروعي الحمدلله تكلل بالنجاح كل سنه بكون عندي افكار حصريه وشغل يدوي مميز وبكميات كبيرة .. قدرت اساعد نفسي وزوجي وبيتي واثبت وجودي كإنسانه وكإمرأة .. الحمدلله
مشاكل واجهتك في الطريق!
طبعا واجهتني مشاكل كثير بالبدايه ولغاية الان لانه كل سنه الزبائن بدها شي جديد وافكار جديدة والخامات المتوفرة بالبلد ما بتتوفر كل سنه وكمان بحتاج آلات بحاول انه اوفرها لحتى اضل مستمرة بكل شي جديد وتبقى ثقة الزبائن فيي ..
واهم مشكله كانت المحل لانه الكل بيطلب مكان للاستلام ما يكون اون لاين وان شاء الله بالمستقبل اقدر افتح محل لمشروعي المتواضع.
