أساليب تربية البنات أهمها المسؤولية والقدوة

1- القدوة

لازم تعرفي إنك قدوة قدام بنتك ، وده بيظهر فى محاولة البنت لتقليدك في معظم المواقف ،وياريت لو تراعي السلوكيات الجميلة في تعاملاتك دائماً

2. المهارات

البنات بطبيعتها بتميل إلى الألعاب والمهارات اليدوية زي التلوين والزخرفة الكتابة، فلازم تسيبيهم وكمان تشجعيهم على ممارسة الهوايات المفضلة ليهم وتديهم مساحة من الحرية للتعبير عن رأيهم بكل ثقة.

3.  الانتقاد المستمر
( ايه الطريقة المقرفة اللي بتاكلي بيها دي – سرحي شعرك شكله وحش أوي )
بلاش التعليق باستمرار على تصرفات بنتك ، ده بيخليها عنيدة ومتمسكة بآرائها وتصرفاتها، ممكن تقوليلها (إيه رأيك لو تعملي كذا ) بدل (متعمليش وإلا هعاقبك )

4. المسؤولية
لازم تدي بنتك دور في البيت من وهي صغيرة والي بيتناسب مع إمكاناتها و قدراتها، عشان تخليها تحس بالمسؤولية وتبني شخصيتها على حب المشاركة .

5. التعنيف
لازم تستبعدي استخدام أي عنف جسدي أو لفظي في التربية، لان البنت طبيعتها حساسة جدًا وبتتأثر بسرعة مقارنة بالأولاد .

6. المقارنة
الأمهات عندها عقدة المقارنات بين البنت وصاحبتها أو بنت صاحبها أو بنت الجيران ، وده خطأ تربوي شائع جدًا
لأن المقارنات دي بتولد مشاعر الغيرة والكراهية أكثر من إنها بتشجع على التقدم والنجاح وخصوصاً عند البنات .

7. المشاركة
لازم يكون لباباها دور مهم في حياة بنته ، وخصوصًا في مرحلة المراهقة،ولازم يقوم بدوره التربوي والإشرافي ويدعمها قبل حتى إنه يحسسها الأمان المادي لأن البنت تحتاج تشعر بدفء وحنان باباها ودعمه قبل أي ماديات.

متابعة ورصد : رؤى عطا