موضوع كتير مهم يمكن بعضنا ما ينتبهلو أو يحكي لسا صغير ابني ما رح يفهم ،بس لازم وضروري عمل بعض الأمور مع الطفل حتى نقدر نفهمه الوضع الجديد اللي رح يصير 👇🏻
هاي النقاط كتير مهم نعملها :
١-نحكيله عن الموضوع بشكل مبسط : يعني ماما انا في ببطني بيبي صغير ورح يكبر شوي شوي
رح تصيرو تلعبو سوا ولازم نستنى يكبر عشان ييجي عالبيت .
٢- طلعي البوم الصور تبعه وهو بيبي ليشوف صوره وأنه كان بيبي وكبر ،
و يشوف فيديوهات وهو ببكي وهو بضحك عشان يتوقع كيف حيكون البيبي
٣-خلي يساعدك بالتحضير للبيبي ،ينقي الاغراض اللي رح تشتروها،يختار مثلا لعبه عذوقه ،لون تيشرت(يعني خدي رأيو زي كأنه كبير)
ممكن كمان يزبط غرفته او اغراضه معك
يعني استشيري باغلب الاشياء بخصوص البيبي
٤-صور البيبي :
بس تروحي عالدكتو وتجيبي صور السونار ورجيه ياهم احكيلو كيف هلا لساته صغير كتير وكيف شكله، و علقي صور السونار كل شهر جنب بعض ليعرف كيف عم يكبر البيبي .
٥-جيبي قصه بتحكي عن الموضوع .
٦-حاولي ما تخلي الناس يضلو يحكو غيران ومن هالحكي اللي بنزرع بالطفل لا اراديا أو أنت احلى من اخوك او اخوك مو حلو (هاد كلو حكي سلبي)بأثر عالطفل .
٧- اتقبلي تصرفاته الجديده (هاد الشي طبيعي ،ما تغصبي يحب الوضع الا اذا هو لحاله اتأقلم وارتاح) ولا تنسي انو هاد طفل ووضع جديد اتغير عليه
فاتقبليه واصبري لوقت يتعود واعرفي انو ممكن كتير ييجي وقت يعصب وينكد بدون سبب (هاد من الوضع الجديد)
بعدين شوي شوي بتتغير الامور ، وبيتعود الطفل على الوضع الجديد مع البيبي
وان شاء الله كل حامل تقوم بالسلامة يا رب
متابعة ورصد : رؤى عطا
