توقعات أبراج اليوم

أبراج_الثلاثاء13مارس2018
القمر بينتقل لبرج الدلو ♒

الحمل
عندك اوقات مهمة وحلوة فيها اخبار حلوة و في حدا بساعدك لتصل لمكان انت عم تسعى الو من زمان .. وعم تعزز علاقاتك اليوم وتتعامل مع الأصدقاء باريحية خليك ايجابي وتفائل واطلب مساعدة اذا احتجتا
عاطفيا .. حاول تفكر بطريقة مبسطة لعلاقتك ولا تكبر القصص لأن مو لصالحك ..

الثور
اليوم بتحس بتوتر حافظلي على سمعتك ولا تكون متسرع على الرغم من انك ممكن تحرز تقدم ونجاح اذا نظمت امورك .. وكمان انتبهلي من الأخطاء وفرصة عمل جديد ممكنة عندك وفي ضغوط بالشغل خليك حذر بهالموضوع ..
عاطفيا .. لاتعطي كل ثقتك للشريك وخاصة اذا العلاقة جديدة خليك رومنسي لكن بحذر ..

الجوزاء
بهاليوم انت مشرق وبترجع لنشاطك باتصالات وسفر والحظ بيدعمك بالامور العائلية لتحلها .. وفي اخبار حلوة رح تسمعها استغل هاليوم لان الحظ معك بكون وعندك قدرة تغير كل شي للأفضل ..
عاطفيا .. حب جديد ممكن يصادفك او حدا من الماضي يحاكيك ..

السرطان
بدي ياك تكون متفهم ودبلماسي وخفف من مصاريفك وفي فرص لامور مهمة وتغيير بوضعك للأفضل .. بس بدك تكون لين وما تعاند على رايك وانتبه لصحتك ممكن تتعب بس انت بفترة افضل لاتخاف وهو هاليوم عم تتعرض فيه للانتقاد ..
عاطفيا .. لاتسمح لاسلوب الشريك يستفزك وخليك رايق وتفهم الوضع قدر الامكان ..

الأسد
عندك يوم مهم للشراكة عقد معاملة فيك تشتغل بهالمجال بس انتبه من توترك الزايد وتفكيرك ولاتعصب كل شوي .. بدنا منك رواق وعندك فرص حلوة لبداية شراكة واكيد مابدي منك انفعال ولا عصبية ..
عاطفيا .. لاتترك مجال للشك بعلاقتك وحاول تبحث عن حلول ويمكن عندك نهاية علاقة هاليومين أو ارتباط جديد للأعذب …

العذراء
انتبه بيتراكم عليك شغل كتير وانت تعبان وامورك الصحية مو تمام دير بالك ونظم وقتك واكلك وكل شي رح يكون منيح .. خليك دقيق وماتهمل شي وممكن تغيير بشغلك او عمل جديد وحاول تكون بعيد عن الاهمال لما تتعرض للملامة ..
عاطفيا .. فكر بالاستقرار بعيد عن المشاكل ولاتستفز الشريك ..

الميزان
بيحمل هاليوم انفراجة وحلول لكتير مشاكل عندك عم تحس براحة نسبية وعم ترجع لعافيتك استغل هالفترة وصلح مشاكلك مع العيلة والاحباب .. وابتعد عن المزاجية ليكون يوم مميز وفي حظوظ وفرص واخبار حلوة ..
عاطفيا .. انت بأفضل الايام عاطفيا حاول تحدد خياراتك وتستقر على حبك ..

العقرب
احتمال يكون في قصص وعرقلة وخاصة بالبيت عندك هدي الاوضاع وكون حكيم عم تدخل يوم فيه مواجهات وانت مو مرتاح بس ممكن تكون هادي وتحل المشاكل برواق .. وتعامل بمرونة وبدون نرفزة لأن الوضع مو متحمل وممكن عم تغير مكان سكنك أو شغلك وكمان خليك منتبه لصحتك ..
عاطفيا .. ماعم تكون مبسوط وعم تفقد ثقتك بكتار يمكن انت بحاجة لحبيب حقيقي هالفترة بس ماعم تلاقي هالشي

القوس
اليوم فرصة لتحكي رايك وتكون ملفت ومميز بأفكارك ممكن تسافر انت اليوم وقادر تدفع بعلاقاتك لقدام وتتواصل مع ناس جدد .. حلول عندك اليوم وحركة ايجابية مثمرة اذا عرفت تستغلها ونجاح كمان وخليك مع اخواتك لان يمكن بحاجتك ..
عاطفيا .. فكر اليوم بحبك وغير جو بمشوار رومنسي وقضي اوقات حلوة مع الشريك ..

الجدي
يوم للربح لمكاسب من شغل اضافي ومصاريف من شي ما بتتوقعو يمكن بس خففلي مصروفك .. مو ضروري تفرد ايدك كتير وتصرف كل شي لان رح تحتاج وحتى في عندك فرص لتطورات بشغلك ..
عاطفيا .. حاول تهدى و تحافظ على استمرارية علاقتك واجواء حلوة اليوم ..

الدلو
بهاليوم عندك فرصة لترجع مكانتك عند الكل وتستعيد ثقتن فيك انت مشرق وقادر تناقش وتكون انت افضل .. افتح صفحة جديدة وعيش يوم مناسب ايجابي وحل لمشكلة وغير وضعك لان بحاجة هيك يوم لتستعيد طاقتك ..
عاطفيا .. يوم بتحس فيه براحة وبترجع الأمور افضل مع الشريك وبتستعيد ثقة الشريك فيك ..

الحوت
هاليوم انتبه الامور ما رح تمشي معك انتبهلي لصحتك ولاتحاول تحسم شي لان وضعك تعبان ومعرقل هالفترة .. بس اصبر وخلي هالفترة تمر على خير ولاتزيد انفعالك لان مو لصالحك وحاول تكون هادي ..
عاطفيا .. حاول تكون منتبه اليوم لأن ممكن يصير معك مشكلة عاطفية او يصير سوء تفاهم ..

الفلكي_منيب_الشيخ