توقعات أبراج اليوم

أبراج_الثلاثاء20مارس2018
القمر بكرا بكون ببرج الثور ♉

الحمل
عم تفكر بشو الك وشو عليك من مصاري وعم تعيد حسابات ويمكن عم تحس انو رح توقع بازمة مالية هاليوم .. بس بالمقابل فيك تحصل على مصاري من شغلك وتعزز وضعك العام ..
عاطفيا .. ماعم تعرف شو بدك وكترة الخيارات حولك عم تخليك ضايع فانتبه من هالشي ..

الثور
عم ترجعلك طاقتك وتكون بحال افضل حاول تستغل هاليوم لان مدعوم بالحظ والاوقات المميزة .. وعم تقدر ترجع شي من ثقتك بحالك ومكانتك عند الناس فلا تتردد بأي مشروع جديد او صفحة جديدة بحياتك ..
عاطفيا .. حاول تكسب ثقة الشريك من جديد وتعامل بهدوء مع الموقف لترجع وضعك العاطفي أفضل ..

الجوزاء
متل الضايع اليوم ماعم تعرف شو تساوي لتطلع من حالة الانفعال والتعب يلي انت فيها .. حاول تكون بعيد عن المشاكل او القصص الغير مدروسة لان رح ترجع عليك فانتبه ولاتجازف حتى صحتك بدها مراعاة ..
عاطفيا .. يوم مخيب من جهة الشراكة وماعم يصل الحب عندك للمستوى المطلوب ..

السرطان
بتنشغل بالاجواء الاجتماعية بتستقبل ناس وبتشوف ناس بس اهم شي لاتحاول تضل لحالك هاليوم .. واطلب مساعدة اذا احتجتا من صديق وعزز علاقاتك الاجتماعية مع محيطك ..
عاطفيا .. لاتسمح للأجواء المشحونة تفوتك اي علاقة وبدون تفكير هالشي ممكن يأذيك لقدام ..

الأسد
حاول تكون هادي وماتصعد الخلافات رح تتعرض للانتقاد اليوم وفي ناس رح تحاول تستفزك لتأثر عليك .. خليك واثق من حالك ودقيق حتى ماحدا يخرب عليك شغلك ..
عاطفيا .. بين المزح والجد عم تخلق مشكلة روق وكون متفهم حتى ماتكبر الأمور ..

العذراء
عن تفكر بسفر وتتلقى اتصالات من ناس غريبة عنك واول مرة بتحكين .. وكمان عم تفكر بقصص جديدة ممكن دراسة شي جديد او تتعلم مهنة عندك فرصة مناسبة لهالشي ..
عاطفيا .. عم تسمع اخبار حلوة والشريك عم يعطيك ثقتو وممكن حدا يصارحك بحبو ..

الميزان
تعب وارهاق مريت فيه وبلشت ترتاح وعم تكون بحال افضل بعد ضغوط اثرت عليك بشكل كبير .. عم تشفى من مرض تعبك وعم تحل مشاكلك وفي فرصة مالية بس خليك منتبه من زيادة بمصروفك ..
عاطفيا .. عم تفكر تعيد العلاقة مع الشريك وبدك ماتتنازل بنفس الوقت ..

العقرب
من الأيام الصعبة يلي عم تأثر عليك بشكل سلبي وعم تسبب تعب بصحتك .. حاول ماتكون قلق زيادة كل شي رح يمر بس بدي منك ماتنهي او تحسم اي شراكة ..
عاطفيا .. ممكن اليوم تكون نقطة النهاية لحبك انتبه كتير لأن ماعم تتحمل الشريك ولا هو عم يتحملك ..

القوس
عم تحس بأنك مو مرتاح وانو ضغط كبير عليك وحاسس بتعب وارهاق ولازم تكون جاهز وسريع لتلحق .. حاول تكون منتبه لصحتك واشتغل الضروري بس هاليوم حتى يمر بسلام ..
عاطفيا .. ماحدا عم يقدر الشي يلي عم تعملوا واولن الشريك فحاول تكون هادي ومارح يفيد العتب ..

الجدي
بتطلع من الوضع يلي كنت فيه وخاصة بجو البيت كتير من الامور عم تنقلب وتتغير .. وبتصير امورك افضل وبتحس انو رجع الحظ معك وتحسنت الامور وحلول لمشاكل بالشغل وفرص حلوة .
عاطفيا .. افتح قلبك اليوم لأن اجواء رومنسية ناطرتك وحب لو اعذب ..

الدلو
عم تكون امور البيت عندك مكركبة وبدك تخلص شغلك وتغير بالديكور ممكن .. وكمان في حدا من اهلك مو مرتاح لوضعو كل هاد عم يأثر عليك ..
عاطفيا .. بالرغم من كل شي حاول تكون بعيد عن العصبية حتى لو حط الشريك اللوم عليك بمشاكل العلاقة ..

الحوت
بتتحرر من حالة الركود يلي مريت فيها وبتحس رجعتلك طاقتك حاول تطلع وتسافر وتغير جو .. كمان عم تتلقى اتصالات وحاسس انك عم توصل افكارك للناس بسرعة وبسهولة ..
عاطفيا .. قادر اليوم توصل افكارك وحبك للشريك وممكن يكون في اتصال رومنسي ..

الفلكي_منيب_الشيخ