توقعات ابراج اليوم

أبراج_الأربعاء21مارس2018
القمر بكمل ببرج الثور ♉
والشمس عم تنتقل لبرج الحمل ♈

الحمل
انتبه لمصروفك وكرمك الزايد ما الو لزوم اليوم عم تصرف كتير وممكن تخسر مبلغ مالي انتبه .. و الفرص افضل وملائمة والحظ مناسب وشغلك بلش يتحسن وعندك قدرة على الانجاز لاتتكاسل ..
عاطفيا .. ييحتاج منك الشريك الثقة لتبقى العلاقة بأمان وتتطور اكتر ..
انتقال الشمس لبرجك هو بداية الانفراج القادم الك والتحس الكبير بالطاقة والمعنويات خليك متفائل وفكر بكل شي منيح وعزز مكانتك الاجتماعية ..

الثور
يوم ايجابي مميز للمشاريع والعمل حاول الوصول للي بدك ياه ورح تحصل على الدعم المطلوب بكل المجالات .. وافتح صفحة جديدة وغير كل شي لصالحك يوم عم تستعيد فيه ثقة المحيط فيك وتحسن وضعك بشكل كبير ….
عاطفيا .. يوم محير عاطفيا بيحملك سحر خاص فيك وقدرة على جذب الكل لإلك ..
وانتقال الشمس للحمل بخليك بتميل للعزلة وبدي منك ماتعطي ثقتك لكتير ناس الفترة القادمة

الجوزاء
يوم التأجيل يوم متعب مرهق ما في اي تقدم الأمور عم تراوح مكانها وانت ما عم تعرف ليش عم يصير هيك معك .. حاول عدم التصرف باي شي مهم وانتبه لصحتك اليوم حتى يمر بسلام ولا تخاف بمر وبتكون افضل قريبا ..
عاطفيا .. انت بحاجة لفترة من الراحة لقلبك حاول ما تعاند الشريك هاليوم حتى ماتخسرو ..
اما انتقال الشمس للحمل بيدعمك اجتماعيا وبيعطيك فرص لصداقات جديدة ومساعدة بتحقيق امنية ..

السرطان
الكتير من القصص الاجتماعية عم تنتظر منك المشاركة اليوم رح تقابل ناس كتير ورفقات الك .. عبر عن قدراتك ولاتبقى لحالك وتفاعل مع الأصدقاء حتى ماتفوت بحالة اكتئاب او تحس بالوحدة ..
عاطفيا .. الخيارات الكتيرة مابتعني انك مرتاح قلبك نار عم تغلي وفي شي ناقصك ..
اما انتقال الشمس للحمل بخليك قدام اختبارات مهمة وتغيير مهني رح يكون وبحاجة للانتباه بعملك ..

الأسد
عندك الكتير من الاعمال يلي بتحتاج منك الدقة والانتباه كون على قدر المسؤولية وتصرف بحكمة .. وحافظ على شغلك وانتبه من مخالفة القوانين وتعامل بحذر حتى ماتتعرض للمشاكل وتكون بوضع مو منيح..
عاطفيا .. لاتتسرع بالحكم على العلاقة ويمكن عدم فهم الشريك او اهمالو بسبب ظروف خاصة فيه ..
وانتقال الشمس لبرج الحمل بيدعم عندك السفر والتعرف على اشخاص جدد ويخليك بوضع افضل ماليا ودراسيا ومهنيا ..

العذراء
يوم ايجابي عندك لترتاح نسبيا لتطلع من فترة صعبة مرت عليك لتعيد وضعك افضل بكتير .. وفي عندك امكانية للسفر والحديث مع اشخاص من خارج البلد والنجاح في الدراسات العليا بعد فترة اثرت عليك كتير وتعبتك لكن باي خطوة رح تعملها لازم تكون دقيق وتحسب كل شي منيح وانتبه من حوادث السير ..
عاطفيا .. يوم بيحمل الك الكتير من الحلول والتقرب من الحبيب اذا بدك ..
انتقال الشمس للحمل بيعطيك فرص مالية من شراكات وبحل عندك مواضيع قضائية او بتخص ميراث ..

الميزان
يوم افضل انتبه فيه لنفقاتك المتزايدة وحاول انو تنتبه لان ممكن تخسر المال من شراكة .. وانتبه كمان من الوقوع في المرض بعد التوتر يلي مريت فيه لكن يوم منيح وانت افضل فلا تقلق ..
عاطفيا .. لاتفكر بطريقة سلبية وكون ايجابي لتعيد العلاقة مع الشريك لوضعها الطبيعي ..
انتقال الشمس للحمل بتدعم عندك فرص الشراكة والارتباط فخليك جاهز بس بنفس الوقت انتبه من نهاية العلاقات والشراكات الضعيفة عندك ومن الاستفزاز من اعدائك

العقرب
حاول انو تعزز من شراكاتك بدل ماتخربها لأن الوضع ابدا مو متحمل وكون دبلماسي وابتعد عن الاستفزاز بكلامك حتى لا توقع بالمشاكل .. يوم صعب ومافي راحة وعم تنخفض الطاقة عندك فخليك هادي وساير شوي وخاصة مع الناس المزعجة ..
عاطفيا .. يوم بيحملك فرصة للارتباط اذا بدك وحاول لاتكبر المشاكل مع الشريك لان المرتبطين متوترة علاقتن هاليوم ..
انتقال الشمس للحمل بحط على عاتقك مسؤوليات جديدة لازم تكون جاهز الها وتنتبه لصحتك وراحتك وممكن تفوت شغل جديد او تغير شغلك ..

القوس
تعب وشغل كثير عم ينتظرك انت بحاجة للانجاز بسرعة ركز على الضروري واترك وقت للراحة .. وانتبه لصحتك قدر الأمكان لان ممكن تعاني من اوجاع بجسمك هاليوم لكن مارح تكون خطيرة ..
عاطفيا .. لاتكتر من الغيرة على الشريك وحاول أنو تقوي ثقتك فيه حتى تكون اوضاعك العاطفية منيحة ..
انتقال الشمس للحمل بتدعم الحظوظ والعاطفة عندك وبتخليك قدام فرص كبيرة ومهمة لتنجح وتصل للي بدك ياه ..

الجدي
يوم منيح نسبيا بيحمل الك الدعم والفرص المناسبة للتقدم بيدعمك الحظ وبتحصل على النجاح .. ويمكن يجيك مبلغ مصاري فخليك متفائل ويوم ايجابي عندك لكن لاتخلي انفعالك يأثر واستغل فرصك الجديدة ..
عاطفيا .. اجواء رومنسية مميزة حاول انو تلاقي الطريق لقلب الشريك وحب جديد اذا كنت عازب..
انتقال الشمس للحمل بخليك تنشغل بقصص عائلية وعقارية او قصص بتخص مكان سكنك ..

الدلو
بيحملك اليوم توتر على صعيد العيلة وقلق حاول أنو تبقى منتبه لردة فعلك وانو تساعد في حل الأمور .. وبامكانك انو تعزز الروابط مع المقربين او اعطال وتصليحات ممكنة بالبيت بدك تكون متعاون قدر الامكان ..
عاطفيا .. ما لازم أنو تقسو على الشريك وحاول تفهمو ويكون الحب بينكن مشاركة قدر الامكان ..
انتقال الشمس للحمل بيعطيك القدرة على التواصل بشكل افضل والنجاح دراسيا ومهنيا وممكن تشتري سيارة او موبايل بس بنفس الوقت انتبه من الحوادث ومن اعطال الكترونية عندك ..

الحوت
اليوم فيه سفر قصير وبتكتر عندك الاتصالات بس انتبه من الحوادث كتير منيح اذا كنت بالسيارة او طريق سفر .. وممكن انو تشتري موبايل اليوم او تناقش بموضوع مهم وتصل لحلول وتنجح دراسيا ..
عاطفيا .. اليوم كون رومنسيا وعزز علاقتك مع الشريك وعندك خطوات مهمة بعلاقتك..
انتقال الشمس للحمل بيدعمك ماليا ومهنيا وممكن تفكر بموارد جديدة للمال وتزيد المصاريف عندك وممكن تبدا مشروع جديد ..

الفلكي_منيب_الشيخ